لاہور:(سپیشل رپورٹر) معاہدوں پر پیشرفت نہ ہونے پر پی پی رہنماوں کے شدید تحفظات ،اتحادی ہونے کے باوجود پنجاب حکومت منہ نہیں لگا رہی،جیالے پھٹ پڑے۔
ذرائع کے مطابق پیپلز پارٹی پنجاب کی تنظیم میں اختلافات شدت اختیار کر گئے،متعدد اجلاس بے نتیجہ ،تنظیمی بحران برقرارہے، پیپلز پارٹی پنجاب کے رہنماحکومت سے وعدے وفا نہ ہونے کا شکوہ کرتے نظر آرہے ہیں ،صوبائی سطح پر تنظیمی ڈھانچے و سیاسی حکمت عملی پر بھی سوالات اٹھ گئے۔
پنجاب میں پارٹی کو فعال نہ کرنے پر دباو بڑھ گیا، صدر آصف زرداری اختلافات سلجھانے لاہور پہنچ گئے،2روز لاہور میں قیام کریں گے اور اعلیٰ شخصیات سے اہم ملاقاتیں کریں گے،بلاول ہاوس لاہور سیاسی سرگرمیوں کا مرکز ہوگا۔
ذرائع کے مطابق پنجاب حکومت کےساتھ اتحادی معاملات کا ازسرنو جائزہ لیا جائےگا، تنظیمی معاملات بہتر بنانے کیلئے اہم فیصلوں کا بھی امکان ہے، ناراض رہنماوں کو اعتماد میں لینے کیلئے مشاورتی اجلاس بلا لیا گیا،صدر مملکت کے لاہور میں ڈیرے سے پنجاب کی سیاست میں نئی ہلچل کا امکان ہے۔
اتحادی ہونے کے باوجود پنجاب حکومت منہ نہیں لگا رہی،جیالے پھٹ پڑے
