اسلام آباد:(بیورورپورٹ)وزیراعظم شہباز شریف نے پاک ،سعودیہ،ترکیہ کے درمیان طے پانےوالے معاہدے کو ترقی و خوشحالی کا باعث قرار دیتے ہوئے کہا دعا ہے حرمین شریفین کے سائے تلے طے پانےوالا تاریخی معاہدہ آنے والی نسلوں کےلئے امن و استحکام کی ڈھال ثابت ہو۔
سماجی رابطے کی ویب سائٹ ایکس پراپنے بیان میں شہبازشریف نے کہامجھے اپنے عزیز بھائیوں ولی عہد محمد بن سلمان اور صدر رجب طیب اردوان کے ساتھ مکہ مشترکہ دفاعی معاہدے پر دستخط کرنے کا شرف حاصل ہوا،تینوں برادر ممالک ایمان، دوستی اور امن و سلامتی کے مشترکہ عزم کے رشتے میں بندھے ہیں،دعا ہے حرمین شریفین کے سائے تلے طے پانےوالا تاریخی معاہدہ آنےوالی نسلوں کےلئے امن و استحکام کی ڈھال ثابت اور تینوں برادر ممالک کےساتھ پوری امت مسلمہ کےلئے ترقی، خوشحالی اور خیر و برکت کا ذریعہ بنے۔
وزیراعظم نے کہابالخصوص فیلڈ مارشل کا تہہ دل سے مشکور ہوں،سید عاصم منیر کی انتھک کاوشوں اور عزم نے عظیم مقصد کو پایہ تکمیل تک پہنچانے میں اہم کردار ادا کیا ۔
دعا ہے حرمین شریفین کے سائے تلے طےمعاہدہ امن کی ڈھال ثابت ہو، شہباز
