حکومت بجٹ میں پٹرول،بجلی،گیس سستی کرے،حافظ نعیم الرحمن

اسلام آباد:(بیورورپورٹ)امیر جماعت اسلامی پاکستان حافظ نعیم الرحمن نے مطالبہ کیا ہے حکومت بجٹ میں تنخواہ دار طبقے کو انکم ٹیکس پر چھوٹ ،بجلی ، گیس ،پٹرول کی قیمتوں میں نمایاں کمی ،تینوں یوٹیلیٹیز (Utilities) کی قیمتوں کو آئندہ چند برسوں کےلئے فکس ،آئی پی پیز کے مہنگے معاہدے ختم ،سود سے جان چھڑائی جائے۔

حافظ نعیم الرحمن نے کہا آئی پی پیز کا فرانزک آڈٹ ہوجائے تو موجودہ ،سابقہ حکومتوں کے کرتا دھرتا لٹک جائیں گے، ایران پاکستان گیس پائپ لائن معاہدے پر کام کا آغاز، مقامی حکومتوں کانظام موثر ،تعلیم کے بجٹ میں اضافہ کیاجائے، وفاق این ایف سی میں سے مقامی حکومتوں کےلئے براہ راست فنڈ جاری کرے۔