مشرق وسطیٰ تنازع سے ایشیائی معیشت متاثر ہونے کا خدشہ ہے: اے ڈی بی

سمرقند(مشرق نیوز)ایشیائی ترقیاتی بینک نے مشرق وسطیٰ تنازع سے ایشیائی معیشت متاثر ہونے کا خدشہ ظاہر کرتے ہوئے کہا تیل کی قیمتیں بڑھنے سے صورتحال مزید خراب بھی ہوسکتی ہے،ازبکستان کے شہر سمرقند میں اے ڈی بی سالانہ اجلاس میں کہا گیا خطے کی شرح نمو کم ہو کر 4.7فیصد رہنے کا امکان ،مہنگائی بڑھ کر 5.2 فیصد تک پہنچ سکتی ہے، صدر ایشیائی ترقیاتی بینک ماسا توکاندا نے علاقائی تعاون بڑھانے پر زور دیتے ہوئے کہا ایشیا اور پیسفک ممالک مشترکہ حکمت عملی اپنانا ہوگی،خطے کو درپیش چیلنجز سے نمٹنے کیلئے مشترکہ اقدامات ضروری ہے ، سرحد پار روابط مضبوط بنانا وقت کی ضرورت ہے ، صدر اے ڈی بی نے کہا توانائی اور ڈیجیٹل کنیکٹیویٹی بڑھانے پر اے ڈی بی کی توجہ ہے ، 70 ارب ڈالر کا پروگرام علاقائی ترقی کیلئے اہم بھی قرار دیا۔