اسلام آباد:(بیورورپورٹ)وزیر توانائی اویس لغاری نے کہاہے بجلی میٹرز کیو آر کوڈ سے منسلک کرنے کا فیصلہ کرلیا، حق دار صارفین کو سبسڈی ملتی رہے گی۔
پریس کانفرنس کرتے ہوئے اویس لغاری نے کہا200 سے کم یونٹ والے صارفین کو سبسڈی دی جا رہی ہے،200 یونٹ استعمال کرنےوالے صارفین کی تعداد 2 کروڑ سے زائد ہو چکی ،سبسڈی لینے والوں سے کیو آر کوڈ کے ذریعے تفصیل مانگی جارہی ہے،پروٹیکٹڈ صارفین کےلئے سبسڈی ختم کرنے کی خبریں حقائق کے منافی ہیں۔
وزیر توانائی نے کہا سبسڈی کا حجم 199 سے بڑھ کر 423 ارب تک جاپہنچا، کوشش ہے تمام صارفین کو کیو آر کوڈ کےساتھ منسلک کریں،تالی بجوانے کےلئے سیاسی بیانات دئیے جاتے ہیں،2سالوں سے بجلی کی قیمت میں کمی آئی ، 780ارب کا گردشی قرضہ کم کیا ، بجلی کی پیدوار کےلئے مقامی ذرائع پر انحصار بڑھ رہا ہے۔
بجلی میٹرز کیو آر کوڈ سے منسلک کرنے کا فیصلہ ، حق دار صارفین کو سبسڈی ملتی رہے گی،اویس لغاری
