ملک میں مہنگائی کا طوفان برپا، لسانی گروہ دوبارہ سر اٹھا رہے ہیں،نعیم الرحمن

لاہور:(اپنے نمائندے سے) امیر جماعت اسلامی پاکستان حافظ نعیم الرحمن نے کہا ہے ملک کو مہنگائی ، دہشتگردی، بلوچستان میں بدامنی اور آزاد کشمیر کی بگڑتی صورتحال جیسے سنگین داخلی مسائل درپیش ، بہتری کےلئے سنجیدہ قومی حکمت عملی اپنانا ہوگی ، جماعت اسلامی ساری صورتحال میں خاموش نہیں رہے گی، بھرپور کردار ادا کرنے کےلئے تیار ہیں، عوامی رابطے بڑھائے جائیں گے،ان خیالات کااظہار انہوں نے منصورہ میں جماعت اسلامی پاکستان کی مرکزی مجلس شوری کے افتتاحی اجلاس سے خطاب کرتے ہوئے کیا۔

حافظ نعیم الرحمن نے کہا ملک میں مہنگائی کا طوفان برپا، لسانی گروہ دوبارہ سر اٹھا رہے ہیں،ریاستی ادارے پالیسیوں پر نظرثانی کریں،فلسطینی عوام کی قربانیوں ،استقامت نے امریکہ ،اسرائیل کے ناقابل شکست ہونے کا تاثر ختم کر دیا۔