دبئی (مشرق نیوز) انڈر 19 ایشیا کپ میں گروپ اے کے میچ میں پاکستان نے ملائیشیا کو جیت کیلئے 346 رنز کا ہدف دیدیا۔
دبئی میں کھیلے جارہے میچ میں ملائیشیا نے ٹاس جیت کر پاکستان کو پہلے بیٹنگ کرنے کی دعوت دی تو 2 وکٹیں جلد گرنے کے بعد سمیر منہاس اور احمد حسین نے تیسری وکٹ پر 293 رنز کی پارٹنرشپ قائم کی۔ پاکستان نے مقررہ 50 اوورز میں 3 وکٹوں کے نقصان پر 345 رنز بنائے۔
سمیر منہاس نے 177 رنز کی ناقابل شکست اننگز کھیلی جس میں 8 چھکے اور 11 چوکے شامل تھے۔ کپتان فرحان یوسف 8 رنز بناکر ناٹ آوٹ رہے۔
احمد حسین 132 رنز کی شاندار اننگز کھیل کر آوٹ ہوئے جبکہ عثمان خان ایک اور علی حسن بلوچ 14 رنز بناکر آوٹ ہوئے۔
انڈر 19 ایشیا کپ، پاکستان نے 345 رنز کا پہاڑ کھڑا کردیا
