نئی مانیٹری پالیسی کا اعلان، شرح سود 11.50 فیصد پر برقرار

کراچی (مشرق نیوز) گورنر سٹیٹ بینک جمیل احمد نے نئی مانیٹری پالیسی کا اعلان کر دیا، شرح سود 11.50 فیصد پر برقرار رکھی گئی۔ گورنر سٹیٹ بینک جمیل احمد کی زیرصدارت مانیٹری پالیسی کمیٹی کا اجلاس ہوا جس میں شرح سود کو 11.50 فیصد پر مستحکم رکھا گیا۔

خیال رہے کہ سٹیٹ بینک نے 27 اپریل سے پالیسی ریٹ 11.5 فیصد پر برقرار رکھا ہوا ہے، آج بھی آئندہ ڈیڑھ ماہ کیلئے شرح سود کا تعین کرتے ہوئے پرانی سطح کو برقرار رکھا گیا۔

اجلاس میں ملک میں مہنگائی کی مجموعی صورتحال، معاشی اشاریوں اور مشرق وسطیٰ میں جاری کشیدگی کے ملکی معیشت پر ممکنہ اثرات کا تفصیلی جائزہ لیا گیا جس کے بعد پالیسی ریٹ سے متعلق فیصلہ کیا گیا۔