انگلینڈ کے بیٹر جیمز ونس پی ایس ایل میں شرکت کیلئے پاکستان روانہ

لاہور (مشرق نیوز) پاکستان سپر لیگ کے گیارہویں ایڈیشن میں سنسنی خیز مقابلے جاری ہیں۔ پاکستان سٹار کرکٹرز کے ساتھ ساتھ دنیا بھر سے نامور کھلاڑیوں کی پی ایس ایل میں مختلف ٹیموں کی نمائندگی اسے چار چاند لگادیتی ہے۔

آسٹریلیا، انگلینڈ، نیوزی لینڈ، سری لنکا، بنگلہ دیش، زمبابوے سمیت دنیا کی مختلف ٹیموں کے کئی بڑے سٹارز لیگ کا حصہ ہیں۔ جلد ہی انگلینڈ کے جارح مزاج بلے باز جیمز ونس بھی پاکستان پہنچ کر پشاور زلمی کی نمائندگی کریں گے۔

وہ اس سے قبل کراچی کنگز، کوئٹہ گلیڈی ایٹرز اور ملتان سلطانز کی نمائندگی بھی کرچکے ہیں۔ جیمز ونس نے اپنی انسٹاگرام سٹوری پر جہاز کے اندر کی ایک تصویر شیئر کی ہے جس کے کیپشن میں انہوں نے لکھا کہ پی ایس ایل کا وقت ہوگیا ہے۔