کراچی:(بیورورپورٹ)کراچی سمیت سندھ بھر میں سندھ کلچر ڈے روایتی جوش و جذبے کےساتھ منایا گیا۔
تقریبات میں شہریوں نے سندھی ٹوپی، اجرک اور ثقافتی لباس پہن کر صوبے کی قدیم تہذیب سے اپنی وابستگی کا اظہارکیا،مختلف شہروں ،دیہات میں ریلیاں نکالی گئیں ،متعدد مقامات پر میوزیکل پروگرام، نمائشیں ،ٹیبلوز کے ذریعے سندھ کی ثقافت کے رنگ نمایاں رہے،بچوں نے پرفارمنس کے ذریعے خطے کی روایات کو اجاگر کیا،سندھی ٹوپی، اجرک و دیگر ثقافتی اشیا کی خریداری میں بھی خاصا اضافہ دیکھنے میں آیا، علاقائی دھنوں اور لوک موسیقی نے تہوار کے ماحول کو مزید خوبصورت بنادیا۔
دوسری جانب قوم پرست جماعت نے شارع فیصل سے پریس کلب تک ریلی نکالی ،پولیس کی جانب سے متبادل راستہ اختیار کرنے کی ہدایت پر قوم پرست جماعت کی جانب سے احتجاج کیا گیا، پولیس ،ریلی کے شرکا میں تصادم ہوا، مظاہرین نے پولیس موبائل ،مسافر گاڑیوں کے شیشے توڑ دئیے، پولیس کی جانب سے ہوائی فائرنگ،شیلنگ کی گئی،متعدد مظاہرین کو حراست میں لے لیا۔
سندھ بھر میں کلچر ڈے منایا گیا،ثقافت کے رنگ نمایاں
