لاہور:(نمائندہ خصوصی)وزیر اطلاعات عظمیٰ بخاری نے الحمرا میں سمر کیمپ کے تحت نوجوان فنکاروں کے تیار کردہ فن پاروں کی نمائش کا افتتاح کردیا۔
نمائش میں 40 نوجوان آرٹسٹوں کے 85 فن پارے پیش کیے گئے، ڈرائنگ، پینٹنگ ،خطاطی سمیت مختلف میڈیمز میں نوجوان فنکاروں کی تخلیقی صلاحیتوں کا اظہار کیا گیا ،سیکرٹری اطلاعات و ثقافت سید طاہر رضا ہمدانی ،ایگزیکٹو ڈائریکٹر الحمرانواز گوندل بھی موجود تھے۔
عظمیٰ بخاری نے نوجوان آرٹسٹوں سے ملاقات کی، فن پارے دیکھے ،کام میں خصوصی دلچسپی لی،نوجوان فنکاروں کی تخلیقی صلاحیتوں ،فنکارانہ ویژن کو سراہتے ہوئے کہا مختلف میڈیمز میں نوجوان آرٹسٹوں کا کام انتہائی متاثر کن،نوجوان آرٹسٹوں کی تخلیقی صلاحیتیں ،فنکارانہ ویژن قابل تحسین ہیں، نوجوان فنکاروں کا کام دیکھ کر یقین یہی نوجوان مستقبل کے سٹار آرٹسٹ بنیں گے۔
وزیر اطلاعات نے کہا سمر کیمپ کے نوجوان فنکاروں نے وزیراعلیٰ پنجاب مریم نواز کا خوبصورت پورٹریٹ بھی تیار کیا ، مریم نواز کا پورٹریٹ نوجوان آرٹسٹوں کی فنی مہارت و تخلیقی صلاحیتوں کا عکاس ،الحمرا نئی نسل کو اپنی تخلیقی صلاحیتیں اجاگر کرنے کےلئے ٹھوس مواقع فراہم کر رہا ہے۔
عظمیٰ بخاری نے کہا مریم نواز کے ویژن کے تحت حکومت پنجاب فنون و ثقافت کے فروغ کےلئے موثر اقدامات کر رہی ،نوجوان نسل کو فنون و ثقافت سے جوڑنے کےلئے نئے مواقع پیدا کر رہے ہےں، نوجوان نسل کو اپنی ثقافت، اقدار اور فنون سے جوڑنا حکومت پنجاب کی اہم ترجیحات میں شامل ہے۔
وزیر اطلاعات و ثقافت نے سمر کیمپ کے کلاس ٹیچرز عثمان خالد اور فاطمہ خان سے بھی ملاقات کی ،کاوشوں پر شاباش دی،سمر کیمپ کے شرکامیں اسناد تقسیم کیں اور نوجوان فنکاروں کی حوصلہ افزائی کی۔
پنجاب کے سرکاری میڈیکل کالجوں میں داخلوں کی پہلی سلیکشن لسٹ جاری
پنجاب: دینی مدارس کی رجسٹریشن کا عمل تیز، 19 مدارس کو سرٹیفکیٹس جاری
عدالت کا بشریٰ بی بی کو جیل میں ہر قسم کی ممکنہ سہولیات فراہم کرنے کا حکم
وزیراعظم اور نوازشریف سے صدر و وزیراعظم آزاد کشمیر کی ملاقات، ترقیاتی منصوبوں پر گفتگو
8 سال بعد سینڈ پیپر سکینڈل پھر زیر بحث، کرکٹ آسٹریلیا نے بڑا فیصلہ کرلیا
جی ٹی اے 6 کا دنیا بھر میں جنون، ریلیز سے پہلے ہی اربوں ڈالر کما لئے
چھوٹے صوبے ناگزیز، سندھ میں خون کا قطرہ بھی گرا تو ذمہ دار بلاول ہونگے: مصطفی کمال
بنگلہ دیش کیساتھ تعلقات کو مزید مستحکم بنانے کیلئے پرعزم ہیں: وزیر خارجہ اسحاق ڈار
مالی سال کے پہلے 4 ماہ میں پاکستان کو 5 ارب 90 کروڑ ڈالر کے غیرملکی قرضے موصول
بجلی مزید مہنگی، صارفین پر 30 ارب روپے کا اضافی بوجھ پڑنے کا امکان
















