سمندری طوفان باوی سے فلپائن میں تباہی،متعدد افراد ہلاک،کئی ممالک کو خطرہ

منیلا :(مشرق نیوز)سمندری طوفان باوی سے فلپائن میں تباہی،متعدد افراد ہلاک،مشرقی ایشیا کے کئی ممالک کا بھی طاقتور طوفان کی زد میں آنے کا خطرہ بڑھ گیا، تقریباً ایک ہزار کلومیٹر کے علاقے پر بننے والا طوفان بحرالکاہل سے ہوتا ہوا تائیوان کی جانب بڑھ رہا ہے۔

محکمہ موسمیات کے مطابق طوفان سے قبل تائیوان کے شمالی و مشرقی علاقوں، جاپان کے دور دراز جزیروں پر موسلا دھار بارشوں کا امکان ہے۔

طوفان کے پیش نظر خطے بھر میں درجنوں پروازیں منسوخ ،متعدد علاقوں میں تعلیمی ادارے بند کر دئیے گئے ، ممکنہ ہنگامی صورتحال کے باعث شہریوں نے ضروری اشیائے خور و نوش و دیگر سامان ذخیرہ کرنا شروع کر دیا ،کئی سپر مارکیٹس خالی ہو گئیں۔