اسلام آباد:(بیورورپورٹ)نائب وزیراعظم و وزیر خارجہ اسحاق ڈار ،ایرانی وزیر خارجہ عباس عراقچی کے درمیان ٹیلیفونک رابطہ ،تازہ ترین علاقائی صورتحال پر تبادلہ خیال کیاگیا۔
اسحاق ڈار نے کہا ترقی پذیر ممالک ،عالمی سپلائی چینز کیلئے جہازوں کی محفوظ و تیز رفتار آمدورفت ضروری ہے، علاقے میں امن و استحکام کیلئے مذاکرات ،سفارت کاری ہی واحد قابل عمل راستہ ہیں۔
ترجمان دفتر خارجہ کے مطابق دونوں رہنماﺅں نے پاکستان ،ایران کے درمیان قریبی تعاون جاری رکھنے ،نیویارک میں ملاقات پر اتفاق کیا،اسحاق ڈار اور عباس عراقچی کی نیویارک میں یو این جنرل اسمبلی اجلاس کے موقع پر ملاقات ہوگی۔
عراقچی کا رابطہ، امن و استحکام کیلئے مذاکرات ہی واحد قابل عمل راستہ ہیں،ڈار
