ہونہار و مستحق طلبہ کو میرٹ پر معیاری تعلیم کی فراہمی ترجیح ہے، وزیراعظم

اسلام آباد:(بیورورپورٹ) وزیراعظم شہباز شریف نے کہا ہے ہونہار و مستحق طلبہ کو میرٹ پر معیاری ،جدید تعلیم کی فراہمی ترجیح ہے۔

اجلاس سے خطاب کرتے ہوئے شہباز شریف نے کہا دانش یونیورسٹی پاکستان کے باصلاحیت ،مستحق نوجوانوں کو عالمی معیار کی تعلیم کے مواقع فراہم ،بہترین تعلیمی، تحقیقی ،جدید تکنیکی سہولیات کی بدولت ملک بھر اور پورے خطے میں ٹیکنالوجی کے شعبے میں مرکز امتیاز کے طور پر ابھرے گی،دانش یونیورسٹی میں داخلوں کیلئے پورے پاکستان سے باصلاحیت طلبہ کا انتخاب میرٹ پر کیا جائے گا۔

دریں اثناوزیر اعظم شہباز شریف 2روزہ دورے پر برطانیہ چلے گئے ،ذرائع کے مطابق وزیر اعظم شہباز شریف 2دن لندن میں قیام کے بعد امریکہ جائیں گے،25ستمبر کو اقوام متحدہ کی جنرل اسمبلی سے خطاب کریں گے۔