لاہور: (نمائندہ خصوصی)وزیراعلیٰ پنجاب کے ثقافتی اداروں کی بہتری کے ویژن کے تحت لاہور آرٹس کونسل الحمرا میں تزئین و آرائش کا عمل تیزی سے آگے بڑھ رہا ہے۔ اسی سلسلے میں الحمرا کمیٹی روم، کمیٹی روم کے ویٹنگ روم اور ایگزیکٹو ڈائریکٹر آفس کی تزئین و آرائش مکمل کر لی گئی
سیکرٹری اطلاعات و ثقافت پنجاب سید طاہر رضا ہمدانی نے ایگزیکٹو ڈائریکٹر لاہور آرٹس کونسل الحمرا نواز گوندل کے ہمراہ تزئین و آرائش کے بعد مکمل ہونے والے ان انتظامی حصوں کا افتتاح کیا۔ اس موقع پر سیکرٹری اطلاعات و ثقافت پنجاب کو الحمرا کمیٹی روم، ویٹنگ روم اور ایگزیکٹو ڈائریکٹر آفس کا دورہ کرایا گیا اور مکمل کیے گئے کام کا معائنہ بھی کرایا گیا۔سیکرٹری اطلاعات و ثقافت پنجاب نے الحمرا میں جاری بہتری کے اقدامات کو سراہتے ہوئے انتظامیہ کے لیے نیک تمناوں کا اظہار کیا،خوشی کے موقع پر کیک بھی کاٹا گیا۔
الحمرا کمیٹی ،ویٹنگ روم اور ایگزیکٹو ڈائریکٹر آفس کی تزئین و آرائش مکمل
















