لاہور:(وقائع نگار)تحریک تحفظ آئین پاکستان نے کہا ہے حکومت نام نہاد غزہ امن بورڈ میں شمولیت کا فیصلہ فوری واپس لے۔
کانفرنس کے اعلامیے میں کہا گیاحکومت فلسطینی بہن بھائیوں کی حمایت کےلئے پارلیمان، قومی و جمہوری سیاسی جماعتوں اور تحریکوں کو بحث کا حصہ بنائے،پاکستان عالمی سطح پر فلسطین کےلئے آزادی و انصاف کے مقدمے کی قیادت کرنےوالے گلوبل ساوتھ کے ممالک پر مشتمل بلاک تشکیل کی حمایت کرے، مغرب کی پراکسی بننے سے اجتناب ،باہمی احترام و تعاون پر مبنی خارجہ پالیسی بنائی جائے ۔
اپوزیشن اتحاد نے کہا ایران کےخلاف ٹرمپ کی دھمکیوں ،سامراجی طاقتوں کی جانب سے خود مختار ممالک کے اندرونی معاملات میں ہر قسم کی مداخلت کو مسترد کرتے ہیں،خطے میں جنگ و تقسیم مسلط کرنے کااقدام امریکہ کے چین کو گھیرنے اور محدود کرنے کے منصوبے کاحصہ ہے۔
حکومت نام نہاد غزہ بورڈ میں شمولیت کا فیصلہ واپس لے،اپوزیشن اتحاد
